Mahigit 500 kilo ng botchang karne ang nasabat ng mga otoridad sa Divisoria, Maynila.
Ayon sa Manila Veterinary Inspection Board, sa isinagawang surprise inspection sa Elcano Atreet ay nakumpiska ang tinatayang nasa 80,000 pisong halaga ng karne.
Ang naturang mga karne ay kinatay sa hindi accredited na meat establishments kaya posibleng hindi ito ligtas bilhin at kainin.
Kaugnay nito, umapela si Manila Mayor Isko Moreno na maging mapanuri sa mga binibiling karne at patuloy na i-report ang makikitang mga botchang karne.
