Matagumpay na nasagip ng Philippine Coast Guard (PCG) ang mga sakay nang tumagilid na barkong MV Maria Helena sa karagatan ng Barangay Nasunugan, Banton, Romblon bandang 1:00AM ng Linggo sa tulong ng local passenger boats.
Batay sa ulat ng PCG, sumabog ang gulong ng isa sa rolling cargoes na lulan nito na nakaapekto sa paglalayag ng barko.
Ayon kay Captain Elmo Sumocol, sakay ng roro o passenger vessel ng Montenegro Shipping Lines Inc., ang 50 pasahero, 32 dito ang crew members kabilang ang Kapitan ng barko at 16 ang lulang rolling cargoes.
Habang agarang dinala naman ang mga naturang nasagip sa Barangay Nasunugan covered court upang masuri ang kanilang mga kalagayan.
