Nasa 5,524 Returning Overseas Filipinos (ROFs) ang dumating sa Ninoy Aquino International Airport (NAIA) noong Biyernes sa gitna ng pagluluwag ng quarantine protocols para sa mga fully vaccinated travelers.
Ayon kay Tourism Promotions Board (TPB) Chief Operating Officer Maria Anthonette Velasco-Allones, mula noong Pebrero 1, ang mga travel agencies ay nakatatanggap na ng maraming katanungan mula sa mga traveler nang ipatupad ng bansa ang “No-quarantine” policy sa mga ROF na nakatanggap na ng kumpletong bakuna.
Samantala, tiniyak niya na ang mga ahensya ng gobyerno tulad ng Department of Health (DOH) at Department of Tourism ay tinatalakay na ang contingency plan para sa nasabing panukala.—sa panulat ni Airiam Sancho
