Hindi pa umano natatanggap ng Department of Justice (DOJ) ang hiling o request ng senado na hanapin at arestohin ang magkapatid na Mohit at Twinkle Dargani na pangulo at treasurer ng Pharmally Pharmaceutical Corp..
Kasunod ito ng ginawang pagtanggi ng dalawa na iprisinta sa senate hearing ang financial records ng Pharmally na ngayon ay pinaniniwalaang nagtatago na.
Matatandaang iminungkahi ni senate minority leader franklin drilon na hingin ang tulong ng National Bureau of Investigation (NBI) at ng Philippine National Police (PNP) sa paghahanap sa magkapatid na na-contempt din ng senado.
Sa ngayon, hihintayin pa ng DOJ ang liham mula sa senado bago niya atasan ang mga tauhan ng NBI na tumulong sa paghahanap sa magkapatid na Dargani.—sa panulat ni Angelica Doctolero
