Inalmahan ni Whistleblower’s Association President Sandra Cam ang pagpayag ng CIDG NCR na ngayong umaga nalang arestuhin si Senador Leila de Lima.
Ito ay sa kanyang pagsugod sa Senado, kagabi, kasama ang ilang tagasuporta na nakasuot ng t – shirt na mayroong tatak na, “Karma: De Lima di ka nag – iisa. Noynoy susunod ka na.”
Sinabi ni Cam na nakakarma na si De Lima at kailangang maranasan nito ang sinasapit ng mga inaarestong ordinaryong tao.
Pakingan: Bahagi ng pahayag ni Sandra Cam
Binanatan din ni Cam sina Interior and Local Government Sec. Mike Sueño at senate President Koko Pimentel dahil sa kanilang kasunduan hinggil sa pag – aresto sa Senadora.
Una nang sinabi ni Senate Sergeant at Arms Gen. Jose Balajadja na batay sa kasunduan ng dalawang opisyal, itu – turn over nalang ng Senado si De Lima sa CIDG at hindi ito lalagyan ng posas.
Pakingan: Bahagi ng pahayag ni Sandra Cam
By: Katrina Valle / Jopel Pelenio
