Hindi nangangamba ang kampo ni Vice President Leni Robredo kahit nasa ka anim na puwesto sa presidential survey ng Pulse Asia.
Ayon ito kay Atty. Barry Gutierrez, spokesperson ni Robredo dahil sa katunayan ay katanggap tanggap ang ratings ng bise presidente lalo nat naka focus ito sa COVID-19 response at hindi namumulitika o pumu-posisyon sa 2022 national elections.
Gayunman binigyang diin ni Gutierrez na tiwala silang papalo si Robredo at maganda ang magiging resulta kapag nagpasya itong tumakbo bilang pangulo ng bansa.
Kasabay nito binatikos ni Gutierrez ang mga kandidatong bumabandera ang litrato sa mga malalaking tarpaulin at billboard sa gitna na rin nang patuloy na pagtangging tatakbo sila sa 2022.
