Arestado ang dalawang hinihinalang miyembro ng New People’s Army (NPA) habang 14 pang miyembro ang nakatakas sa operasyon sa Barangay Langub, Davao City.
Batay sa ulat, sinalakay ng mga otoridad ang bahay ng hindi pinangalanang mag-live in partner na umano’y mga NPA.
Dito narekober ang isang granada, detonator ng landmine, mapa at baril.
Pinabulaanan naman ng lalaking suspek na siya ay aktibong miyembro ng NPA nuong 2012 pa umano siya tumiwalag dito.
Dagdag pa nito pinatulog lang umano nila sa kanilang bahay ang mga tumakas na rebelde na nanghingi ng tulong.
Sinabi naman ni Chief Supt. Marcelo Morales, regional director ng Police Regional Office 11, base sa kanilang nakuhang mga gamit, ay malaki ang posibilidad na totoo nga na may pinaplanong pag atake ang grupo sa lungsod.
