Inatake ng mga hinihinalang miyembro ng BIFF o Bangsamoro Islamic Freedom Fighters ang isang paaralan sa bayan ng Datu Piang sa Maguindanao kagabi.
Ayon kay Maguindanao Police Provincial Director Supt. Agustin Tello, pinaputukan ng mga armadong lalaki ang Gani l Abpi College gamit ang isang m70 grenade launcher dakong alas otso kagabi.
Ani Tello, walang nasugatan sa nasabing pag-atake ngunit nagdulot ito ng takot sa mga residente.
Maliban dito, nasira din anya ang mga glass window ng paaralan at isang sasakyan na nakaparada malapit dito.
Sa ngayon ay nakaalerto na ang PNP sa Maguindanao kasunod ng mga serye ng pag atake ng rebeldeng grupo.
