Sinalakay ng mga operatiba ng pamahalaan ang isang bahay na hinihinalang ginagamit bilang imbakan ng mga kemikal na sangkap sa paggawa ng shabu sa Barangay Nangka, Marikina City.
Ayon kay Marikina City Police Chief Senior Supt. Roger Quezada, nakita sa likurang bahagi ng nasabing bahay ang ibat’ ibang container na may nakasulat na chinese characters at naglalaman ng mga kemikal.
Dagdag ni Quezada, pag-aari ang nasabing bahay ng Chinese National na si John Meng Shin na naaresto ng PDEA matapos masangkot sa ni-raid na mega shabu lab sa Batangas at Malabon noong nakaraang linggo.
Patuloy namang tinutukoy ng mga otoridad kung anung klaseng kemikal ang kanilang nasabat.
