Timbog ang umano’y hitman at drug courier ng napatay na bigtime drug lord ng Central Visayas na si Jeffrey “jaguar” Diaz sa Cebu City.
Kinilala ang suspek na si Joselito Tecson, 36 anyos, na 2 buwan na nilang pinaghahanap ng mga pulis.
Ayon kay Senior Insp. Narrolf Tan, hepe ng Cebu City Anti-Illegal Drugs Special Operations task group, natiyempuhan ng mga pulis si Tecson habang nanonood ng t.v. Sa kanilang bahay sa barangay Basak San Nicolas.
Inaasahang maraming impormasyon ang makukuha mula sa suspek na miyembro umano ng grupo ni Jaguar na napatay sa isang police operation sa Las Piñas City noong Hunyo 17.
By: Drew Nacino
