Timbog ang umano’y nagtatagong hitman ng napaslang na suspected drug lord na si Melvin Odicta Sr.
Ayon kay Chief Inspector Juvy Navales, hepe ng Mandurriao Police Station, naaresto nila si Michael Hansilan, high value target number 2 sa Iloilo City nang makikipagkita ito sa kanyang asawa sa isang kainan sa bayan ng Manduriaao.
Bukod sa pagiging hitman, si Hansilan ay sinasabing sangkot din sa illegal drug trade ni Odicta.
Si Hansilan na nagtago sa Pikit, North Cotabato ay una nang umaming pumatay sa dalawang pulis sa magkaibang pagkakataon sa Negros Occidental at Pavia, Iloilo.
—-
