Pinagaaralan na ng tanggapan ni Executive Secretary Salvador Medialdea ang kahilingan ng mga Cebuano na ideklarang holiday ang October 26 sa lalawigan bilang pagpupugay sa yumaong si Cebu Archbishop Emeritus Ricardo Cardinal Vidal.
Batay sa pahayag ni Presidential Assistant for the Visayas Michael Dino na nagpaalam ng suhestyon kay Medialdea, ang layunin ng holiday na ito ay mahalaga sa pastol na nanungkulan sa buong Cebu sa loob ng dalawampu’t siyam (29) na taon.
Ayon pa kay Dino, magtutungo rin si Pangulong Duterte sa burol ng cardinal ngunit hindi pa tiyak kung kailan.
Ihihimlay ang labi ng cardinal sa isang mausoleum sa likod ng Sacristy ng Cathedral sa ika dalawamput anim ng oktubre (Oktubre 26) sa ganap na alas 9:00 ng umaga.
