Patay sa pamamaril ang isang lalaki na nang-hostage ng 2 tauhan ng Estancia Police sa Iloilo.
Dinedemamd umano ng suspek na kinilalang si Romy Albor na palayain ang 5 preso na inaresto dahil sa iligal na droga.
Sa kuha ng CCTV camera, makikitang naglakad pa si Albor paikot sa plaza habang kinakaladkad ang 2 niyang bihag na sina Senior Police Officer 2 Richard Rufino at Jerome Gelveson.
Ayon sa pulisya, nagsisisigaw pa raw si Albor habang nilalahad ang kanyang kondisyon.
Sa kabila ng mga pakikipagnegosasyon ng mga pulis, nagpaputok umano si Albor kaya napilitan ang mga awtoridad na barilin siya na naging dahilan ng kaniyang pagkamatay.
By: Avee Devierte
