Tiniyak ng Department of Foreign Affairs (DFA) na hindi maaapektuhan ng nangyaring pagdukot sa Samal Island ang hosting ng Pilipinas sa APEC Leaders Meeting sa Nobyembre.
Ayon kay Foreign Affairs Spokesman Asst. Sec. Charles Jose, nakalatag na ang mga security measures para siguruhing ligtas ang mga dadalo sa nasabing okasyon.
Kumpiyansa naman si Jose sa ginagawang hakbang ng mga otoridad upang maresolba ang usapin sa lalong madaling panahon.
Magugunitang 3 dayuhan at isang Pinay ang dinukot ng mga hindi pa natutukoy na armadong grupo sa isang resort sa nasabing isla kamakalawa.
By Jaymark Dagala
