Ibinunyag ni Deputy Speaker Ferdinand Hernandez na nagkaroon ng botohan sa caucus ng Super Majority noong nakaraang linggo kung saan ibinasura ang mungkahing parusahan ng kamatayan ang magkasala ng pandarambong.
Gayunpaman, nilinaw ni Hernandez na consensus lamang ang nasabing botohan at inalam lang ni House Speaker Pantaleon Alvarez ang pulso ng mga miyembro ng kamara.
Magkakaroon pa muli, aniya, ng caucus ang Super Majority kung saan tatalakayin ang panukalang patawan ng parusang kamatayan ang pandarambong.
Gayunpaman, ayon kay Hernandez, hindi sa mga caucus kundi sa aktwal na botohan sa plenaryo makukuha ang pinal na desisyon.
By: Avee Devierte
