Nakarating na sa isolated communities ng Fiji ang humanitarian aid matapos itong salantain ng super cyclone Winston.
Ayon sa United Nations, aabot sa daan-daang milyong dolyar ang tinatayang halaga ng pinsala ng bagyo.
Ito ay makaraang mawalan ng tirahan ang may 50,000 residente o katumbas ng limang porsyento ng kanilang populasyon.
Batay sa datos ng gobyerno ng Fiji, papalo na sa 44 ang bilang ng mga nasawi sa paghagupit doon ng bagyong Winston.
By Ralph Obina
Photo Credit: ALICE CLEMENTS
