Kinondena ng samahan ng mga hukom ang pagpatay kay Judge Edmundo Pintac ng Ozamiz RTC Branch 15.
Ayon kay Judge Arthur Abudiente, Deputy President ng Philippine Justice Association o PJA, maituturing na pag-atake sa hudikatura ang pagpatay kay Pintac.
Hinamon ng PJA ang awtoridad na lutasin at bigyan ng hustisya ang pagkamatay ni Pintac.
Matatandaan na nasawi si Pintac at ang driver nito matapos tambangan ng apat na lalake habang pauwi ng kanyang bahay.
Si Pintac ang may hawak sa kasong illegal drugs laban kina Ozamiz City Vice Mayor Nova Princess Parojinog at kapatid nitong si Reynaldo Jr. na kapwa nakakulong ngayon.
—-
