Pagbobotohan na ngayong araw ng mga miyembro ng United Nations Human Rights Council (UNHRC) ang resolusyon ng Iceland para imbestigahan ang drug war sa Pilipinas.
Itinakda ang botohan mamayang 6 ng gabi, oras sa Pilipinas.
Kasabay nito, umapela naman ang National Union Peoples’ Lawyer (NUPL) at iba pang grupo na suportahan ang resolusyon ng Iceland upang matigil na ang umano’y kaliwat kanang patayan sa bansa sa ilalim ng kampanya kontra droga ng administrasyong Duterte.
Tiwala naman si NUPL Sec. Gen. Edre Olalia na may laban ang panawagan ng Iceland dahil 28 bansa ang sumuporta na imbestigahan ang drug war ng Pilipinas.
