Sangkaterbang kontrabando ang nakumpiska sa isinagawang paggalugad ngayong Miyerkules ng Bureau of Corrections (BUCor) sa New Bilibid Prisons (NBP) sa Muntinlupa City.
Ayon kay NBP Superintendent Richard Schwarzkopf, nakasentro sa Building 4 ng Quadrant 2 ng Maximum Security Compound ang ika-26 na Oplan Galugad.
Kabilang aniya sa kanilang nasabat ay mga kutsilyo, icepick, appliances, cellphone at alak.
Iginiit ni Schwarzkopf na hindi sila titigil sa pagsasagawa ng Oplan Galugad at patuloy ang gagawin nilang pagsuyod sa NBP, hangga’t mayroon pa rin silang nakakakuhang mga kontrabando.
By Meann Tanbio
