Asahan na bukas ang ika-6 na taas-singil sa presyo ng produktong petrolyo.
Maglalaro sa P1.10 hanggang P1.20 ang dagdag-singil sa presyo sa kada litro ng Diesel; P1.15 hanggang P1.20 sa kada litro ng Kerosene; habang P1.10 hanggang P1.30 ang dagdag sa presyo ng kada litro ng Gasolina.
Ayon sa ilang kumpaniya ng langis, ang taas singil sa presyo ng produktong petrolyo ay epekto ng lumalalang sitwasyon sa pagitan ng Russia at kalapit na bansa sa Europa kung saan, posibleng magkaroon ng “Supply disruption” o pagbabago sa suplay ng langis sakaling magkagiyera. —sa panulat ni Angelica Doctolero
