Tahimik na ipinagdiriwang ni Pangulong Rodrigo Duterte ang kanyang ika-72 kaarawan ngayong martes, Marso 28.
Ayon kay Presidential Spokesman Ernesto Abella, naging tradisyon na sa Pangulo na ipagdiwang ng pribado ang kanyang kaarawan kasama ang pamilya at malapit na mga kaibigan.
Bagaman hindi maiwasang magdiwang ang ilang tanggapan ng gobyerno para sa Pangulo, mas gusto anya ni Duterte na maging pribado at personal ang kanyang birthday celebration.
Hangad ni Abella na matupad ang hangarin ng Pangulo para sa mga Pilipino habang birthday wish naman ni Presidential Communications Secretary Martin Andanar na magkaroon ng sapat na oras ang Presidente para sa sarili at magawa ang mga munting bagay na makapag-papasaya sa kanya sa harap na rin ng mabibigat na responsibilidad na nakaatang sa balikat ng punong ehekutibo.
By: Drew Nacino / Aileen Taliping
