Hawak na ng mga otoridad ang ika-9 na suspek sa Davao City Night Market Bombing
Kinilala ito sa pangalang Jessy Vincent Guinto, original alyas Abu Aisha, dating pulis na may ranggong PO2 at miyembro ng Maute Group.
Ayon kay Philippine Army Spokesman, Colonel Benjamin Hao, nahuli si Abu Aisha ng pinagsanib na pwersa ng PNP at AFP sa isang checkpoint sa Sitio South madalum, barangay Nabalawag, Barira Maguindanao alas 4:00 ng hapon kahapon.
Naharang sa checkpoint ang 6 na sasakyan na walang plaka kung saan sakay si Abu Aisha at ang mga kasamahan niyang miyembro din umano ng Maute Group
Apat lang sa mga ito ang naaresto habang ang iba ay nakatakas.
Natagpuan sa loob ng isa sa mga sasakyan ang isang set ng mga gamit pampasabog habang narekober din ang 4 na granadang hawak noon ng mga naaresto.
By: Avee Devierte / Jonathan Andal
