Kinumpirma ng Philippine Consulate General sa Hong Kong na isa na namang Pilipino ang nag positibo sa coronavirus disease 2019 (COVID-19).
Ito na ang ikalawang kaso ng Pilipinong positibo sa (COVID-19) sa Hong Kong.
Ayon kay Consul General Raly Tejada, nasa maayos nang kalagayan at nakarecover na mula sa kanyang lagnat ang 29 na taong gulang na Pilipina subalit nananatili ito sa ospital.
Samantala, posibleng palabasin na ng ospital ang naunang Pinoy na nag positibo sa COVID-19 sakaling lumabas na negatibo na ito sa susunod na pagsusuri.
