Tuloy – tuloy ang ginagawang kampanya ng gobyerno laban sa iligal na droga.
Ayon kay Philippine National Police (PNP) Chief Director General Ronald ‘Bato’ Dela Rosa, sa katunayan nasa phase two na ang giyera kung saan ang isusunod na ang mga high value target.
Nanindigan si Dela Rosa hindi magpapabaya ang gobyerno sa ginagawa nitong laban sa ipinagbabawal na gamut.
Bahagi ng pahayag ni PNP Chief Ronald Dela Rosa
Showbiz personalities
Samantala, pinalagan ni PNP Chief Director General Ronald ‘Bato’ Dela Rosa na pahayag ng aktor na si Robin Padilla na huwag munang pangalanan ang mga artistang sangkot sa iligal na droga sa halip ay magkaroon muna ng dayalogo.
Ayon kay Dela Rosa, hindi naman magiging parehas ang kung pagbibigyan ang kahilingan na ito ng aktor.
Aniya, pantay-pantay ang kanilang trato sa mga sumusukong drug user at pusher.
Una nang sinabi ni Dela Rosa na may mga artista nang nagpahayag ng kanilang boluntaryong pagpapa-drug test bilang pakikiisa sa kampanya ng gobyerno kontra droga.
By Rianne Briones
