Magkakaroon ng power supply interruption ang ilang bahagi ng Mindanao ngayong araw.
Ayon sa National Grid Corporation of the Philippines o NGCP, maaapektuhan ang mga konsyumer ng SUKELCO at MAGELCO dahil papalitan nila ang ilang pasilidad sa Maguindanao at Sultan Kudarat.
Magdudulot ito ng 11 oras na walang kuryente na magsisimula ng alas 7:45 ng umaga hanggang 6:00 ng gabi.
Samantala, ilang bahagi naman ng General Santos City at Sarangani Province ang mawawalan ng kuryente mula 8:00 ng umaga hanggang 12:00 ng tanghali dulot naman ng gagawing maintenance activity sa Gensan Substation kung saan apektado ang mga konsyumer ng SOCOTECO-2.
