Bukas ang ilang bangko ngayong katapusan ng linggo bago ang pagsisimula ng taong 2018.
Gayunman, hindi normal o maikling oras lamang ang inilaan ng ilang bangko sa kanilang operasyon bago magbukas ang Bagong Taon.
Limitado lamang ang oras ng operasyon ng ilang BDO Unibank ngayong Sabado, Disyembre 30 at araw ng Linggo, bisperas ng Bagong Taon.
Samantala, sarado ang lahat ng sangay sa Lunes, Enero 1 subalit regular banking day sa Martes, Enero 2 na holiday pa para sa mga empleyado ng gobyerno.
Ilang electronic channels naman ng BDO ay handa sa ilang transaksyon ngayong holiday season.
Samantala, bukas ang lahat ng Bank of the Philippines Islands / BPI family Savings Bank branches sa Enero 2 at 3, at operational ang kanilang automated teller machines, online, mobile at phone banking channels ngayong weekend maging sa Enero 1.
Uubra din ang mga transaksyon online at iba pang electronic channels ng Metrobank, PS Bank, Union Bank of the Philippines, Eastwest Bank, Landbank of the Philippines at United Coconut Planters Bank ngayong weekend maging sa Enero 1 at regular banking operations naman sa Enero 2.
