Mas kumalat pa ang African Swine Fever (ASF) sa dalawa pang lugar sa Davao Del Sur.
Ayon sa Department of Agriculture Region 12, nagpositibo sa ASF ang mga blood sample ng mga baboy sa Barangay Palili at Barangay Laperas sa bayan ng Sulop.
Dahil dito, agad nagpatupad ng lockdown sa naturang mga barangay at maging sa mga katabi nitong mga lugar upang mapigilan ang pagkalat ng sakit.
Inihahanda na rin ang culling sa mga nagpositibong baboy gayundin sa iba pang baboy sa nasabing mga barangay.
Una nang naitala ang kaso ng ASF sa Davao Occidental hanggang sa kumalat na rin ito sa mga katabing probinsiya.
