Binuksan ng ilang lugar sa National Capital Region ang kanilang COVID-19 vaccination sites.
Para iyan sa mga residenteng nakatira sa karatig lungsod o probinsya.
Kabilang sa mga ito ang lungsod ng Mandaluyong at San Juan kasama na rin ang Pateros.
Ayon kay MMDA Chairman Benhur Abalos, malapit nang makumpleto ng mga nabanggit na lugar ang kanilang pagbabakuna para sa kanilang mga mamamayan.
Nilinaw naman ni Abalos na bawal ang walk-in at kinakailangan pa rin ang magpa-schedule sa pamamagitan ng online sa mga nagnanais na magpapakuna pero hindi nakatira sa mga naturang lugar.—sa panulat ni Rex Espiritu
