Isasalang ng PACC o Presidential Anti Corruption Commission sa lifestyle check ang ilang dati at kasalukuyang opisyal ng PCSO o Philippine Charity Sweepstakes Office.
Ayon kay PACC Commissioner Greco Belgica, kabilang sa kanilang isasalang sa lifestyle check si dating PCSO general manager Alexander Balutan, PCSO Chairman Anselmo Simeon Pinili at ang board of directors na kinabibilangan ni Sandra Cam.
Sinabi ni Belgica na nagpasya silang magsagawa ng sariling imbestigasyon matapos ipasara ng pangulo ang operasyon ng mga produkto ng PCSO dahil sa katiwalian.
Matatandaan na nagbitiw si Balutan bilang general manager ng PCSO dahil sa alegasyon ng katiwalian.
Gayunman, siya mismo ang humiling sa Malakanyang na paimbestigahan ang alegasyon laban sa kanya sa Office of the Ombudsman.
