Inamin ni dating Presidential Communications Office Sec. Trixie Cruz-Angeles na dumalo siya at ang ilang Filipino Social Media Influencers sa isang seminar na inisponsoran ng China.
Sa pagdinig ng House Tri-Committee, sinabi ni Atty. Angeles na sinagot ng pamahalaan ng China ang lahat ng ginastos para sa pamasahe at tirahan ng mga sumipot na vlogger sa nasabing seminar.
Ayon kay Atty. Angeles, tinalakay sa seminar ang mga bagong trend sa social media.
Kasama niyang pumunta sa China sina Pia Morato, Tio Moreno, Mark Lopez, at Attorney Ahmed Paglinawan.
Naganap ang naturang seminar noong May 23 hanggang June 5, 2023. —sa panulat ni John Riz Calata
