Kanselado ang ilang biyahe ng Cebu Pacific, Ceb Go at maging ng Philippine Airlines ngayong araw na ito dahil sa pag-aalburuto ng bulkang Mayon.
Kabilang sa mga suspendido ang walong flights ng Cebu Pacific mula Maynila patungong Legazpi City at vice versa gayundin ang walong flights ng Ceb Go mula Cebu pa-Legazpi at pabalik at Manila pa-Naga at pabalik.
Bukod pa ito sa PAL flights mula Maynila pa-Legazpi at pabalik at mula Cebu pa-Legazpi at vice versa.
Pinayuhan ng Manila International Airport Authority o MIAA ang mga apektadong pasahero na kaagad makipag-ugnayan sa airline companies para sa rebooking o kaya naman ay refund ng kanilang pamasahe.
—-
