Iba’t ibang pakulo ang ginawa ng ilang gasolinahan sa Quezon City para makahikayat ng mga kustomer sa gitna ng patuloy na pagtaas ng presyo sa produktong petrolyo.
Sa branch ng shell sa Timog Avenue, may alok itong libreng isang kilong bigas sa kada 1,000-1,500 halaga ng gasolina at diesel. Isang pack ng sabong panlaba ang alok ng Caltex sa E.Rodriguez sa kada P220 halaga ng diesel at gasolina.
Habang may promo naman ang cleanfuel sa Timog Avenue kung saan maaaring makakuha ng T-shirt, bigas, helmet o appliances tulad ng kalan, electric fan o rice cooker base sa points na maiipon sa kanilang VIP cards.—sa panulat ni Airiam Sancho
