Humirit na ng dagdag na nurse ang mga ospital para matugunan ang dumaraming bilang ng pasyenteng tinatamaan ng COVID-19.
Ayon kay Philippine Hospital Association (PHA) President Jaime Almora, bukod sa napupuno na ang mga ospital, nagkukulang na rin ang mga nurse na titinggin o mag-aalaga sa mga pasyente.
Suhestiyon ni Almora kung posibleng kumuha muna ng mga nurse sa pulisya at militar o kaya sa mga call center dahil ilan aniya sa mga nurse ay doon na lamang pinipiling magtrabaho dahil sa malaking sahod na maaari nilang matanggap.
Dagdag ni Almora, maliban sa pagod na ang mga health workers, nagkakasakit na rin umano ang iba sa kanila.
