Inihayag ng AirAsia Airline Company na naibalik na ang ilang biyahe sa ibang bansa na gagawing dalawang beses kada linggo.
Sa panayam ng DWIZ, sinabi ni AirAsia spokesperson Steve Dailisan, na kabilang sa kanilang ibinalik ang mga biyahe patungong Bali, Indonesia tuwing Biyernes at Linggo habang ang Bangkok, Thailand ay tuwing Miyerkules at Linggo.
Ayon kay Dailisan na sa tulong narin ng pagluluwag ng travel requirements sa bansa, magbubukas o magdadagdag ang AirAsia ng flights sa susunod na buwan kabilang na ang Seoul, Korea via Cebu at Manila patungong Kuala Lumpur na planong gawing tatlong beses ang biyahe sa loob ng isang araw.
Dagdag pa ni Dailisan, hustle free na ang biyahe dahil handa na ang ibang mga bansa na tumanggap ng mga turista mula sa Pilipinas.
