Isasara sa trapiko ang southbound lane ng Roxas Boulevard mula EDSA Extension hanggang South Drive mamayang alas-3:00 ng hapon.
Ito ay bunsod ng isasagawang parade of stars para sa mga pelikulang kalahok sa Metro Manila Film Festival o MMFF.
Dahil dito, inihayag ng Metropolitan Manila Development Authority o MMDA na asahan ang mabigat na daloy ng trapiko sa bisinidad ng Roxas Blvd.
Magsisimula ang parada sa Coral Way, malapit sa SM Mall of Asia sa Pasay City hanggang sa Quirino Grandstand sa Maynila.
Libu-libo ang inaasahang manonood ng parada upang masaksihan ang mga artista at pelikulang kalahok sa 2015 MMFF.
By Meann Tanbio
