Pinayuhan ng mga otoridad ang mga motorista na gumamit ng alternatibong ruta ngayong Linggo, Disyembre 31 para sa prusisyon ng Itim na Nazareno.
Ayon sa traffic advisory ng Manila Police District (MPD) Traffic Enforcement Unit, isasara mula 1:00 ng madaling araw ng Linggo ang: southbound lane ng Quezon Boulevard sa Quiapo mula A. Mendoza / Fugoso hanggang Plaza Miranda; eastbound lane ng Recto Avenue mula Rizal Avenue hanggang SH Loyola Street.
Bukod pa ito sa westbound lane ng España Boulevard mula P. Campa hanggang Lerma Street.
Inaabisuhan din ang mga motorista mula España Boulevard na patungong Roxas Boulevard, Pier South Zone o Taft Avenue na kumanan sa P. Campa Street at dumiretso sa Fugoso Street.
Samantala, sa mga magmumula sa A. Mendoza Street patungong Quezon Boulevard, dapat kumanan ang mga motorista sa Fugoso Street bago kumaliwa sa Rizal Avenue.
