Hindi bababa sa sampung (10) kongresista na miyembro ng Liberal Party o LP ang nag-ober da bakod sa partido ni Pangulong Rodrigo Duterte, ang PDP Laban.
Ayon kay House Speaker Pantaleon Alvarez, kinabibilangan ito nina Quezon City Representative Alfred Vargas, Bataan Representative Geraldine Roman, Lanao del Sur Representative Ansaruddin Adiong at North Cotabato Representative Nancy Catamco.
Pasok na rin sa PDP-Laban sina Isabela Representative Rodito Albano at Sulu Representative Munir Arbison na kapwa mula sa Nacionalista Party; Camiguin Representative Xavier jesus Romualdo ng Lakas; Zamboanga del Sur Representative Divina Grace Yu at Masbate Representative Scott Davies Lanete na galing sa Nationalist People’s Coalition.
Ang mga nabanggit na mambabatas ay nanumpa na sa opisina ni Alvarez, Miyerkules, Mayo 10.
Dahil dito, aabot na sa 121 ang kabuuang bilang ng mga PDP-Laban Congressmen sa mababang kapulungan ngayong 17th Congress.
By Meann Tanbio |With Report from Jill Resontoc
