Ilang kontrabando ang nakumpiska sa confinement room ni Puerto Princesa City, Palawan Vice Mayor Luis Marcaida III.
Nasabat sa kwarto ni Marcaida ang dalawang cellphone, dalawang charger at isang improvised cigarette sa ilalim ng operation greyhound.
Ayon sa mga otoridad, bago ang operasyon ay kinausap na ang bise alkalde na isuko ang mga kontrabando at bagaman tumalima ay nasabat naman ang iba pang kontrabando matapos inspeksyunin ang kanyang silid.
Lilimitahan na lamang ng isang oras ang pribilehiyo ng bise alkalde para sa pagbisita ng kanyang pamilya.
Sa kabila nito, walang dagdag na kaso kay Marcaida dahil walang ordinansa ang lungsod sa pagbabawal ng mga kontrabado.
Setyembre noong nakaraang taon nang maaresto sa isang drug bust operation si Marcaida sa bahay nito sa Barangay Bancao-Bancao kung saan nakumpiska sa kanya ang nasa tatlumpung sachet ng shabu at ilang baril.
