Nagpaabiso na ang kumpanyang Shell at PTT Philippines sa ipatutupad nilang rollback bukas.
Epektibo mamayang alas-12:01 ng hatinggabi, P0.70 ang itatapyas ng Shell sa kada litro ng kanilang gasolina habang P0.65 ang ibibigay nilang diskwento sa kada litro ng kerosene at diesel.
Samantala, alas-6:00 naman ng umaga bukas, magbababa ang PTT Philippines ng P0.70 sa kada litro ng kanilang gasolina habang P0.65 sa diesel.
Wala pang abiso ang iba pang kumpanya ng langis kaugnay ng naturang rollback.
By Ralph Obina
