Umabot na sa 4 milyong Pilipino ang nakaranas ng power interruptions bunsod ng pananalasa ng bagyong Paeng ayon sa Manila Electric Company (MERALCO).
Ito ang pinakamataas na bilang ng consumer na apektado ng power interruption sa kasalukuyang taon.
Naiulat kahapon na nasa 504,000 mula sa apat na milyong customers ang wala pa ring kuryente.
Mayorya sa mga ito ay mula sa Laguna, Cavite, Batangas, Metro Manila, Rizal, Bulacan at Quezon.
Humingi naman ng pasensya at pag-iintindi ang spokesperson ng MERALCO na si Joe Zaldarriaga dahil sa naturang interruption. —mula sa panulat ni Hannah Oledan
