Isinailalim na sa state of calamity ang ilang lugar sa Luzon dahil sa baha dulot ng malakas na pag-ulang dala ng Habagat.
Partikular na apektado ng baha ang mga lungsod ng Dagupan, Urdaneta, San Carlos, mga bayan ng Lingayen, Agno, Alaminos, Bautista, Bayambang, Bugallon, Calasiao, Dasol, Malasiqui, Mangaterem, Natividad at Santa Barbara sa Pangasinan maging sa bayan ng Licab, Nueva Ecija.
Tinaya ng Provincial Disaster Risk Reduction and Management Office ng Nueva Ecija na 2,600 katao ang apektado ng baha sa Licab sa nakalipas na tatlong araw.
Dahil dito, nananawagan na ng tulong si Licab Mayor Femy Domingo lalo sa Department of Agriculture para sa mga magsasaka.
