Makakaranas ng mga power service interruption ang ilang lugar sa Metro Manila at mga karatig lalawigan ngayong linggo.
Kabilang sa mga lugar na ilang oras mawawalan ng kuryente ang bahagi ng Dagat-Dagatan Caloocan City sa Setyembre 17 at 19; Makati City at Taguig City sa Setyembre 16 hanggang 17.
Gayundin sa Pasong Tamo at La Loma sa Quezon City sa Setyembre 18 at 19; Valenzuela City mula Setyembre 17 hanggang 18; Maragondon, Naic at Ternate sa Cavite sa Setyembre 16.
Bahagi ng Los Baños at Calamba City sa Laguna sa Setyembre 17 at 19; Lucena City, Quezon sa Setyembre 20; at Angono Rizal sa Setyembre 21.
Ang mga nabanggit na power interruption ay bunsod ng mga isasagawang maintenance work tulad ng pagpapalit at paglilipat ng concrete pole, line reconstruction o reconductoring, repair works sa mga substation at pag-upgrade ng mga pasilidad ng Meralco.
Para naman sa kumpletong detalye ng mga lugar at maintenance schedule, maaaring bisitahin ang social media accounts ng Meralco tulad ng Facebook at Twitter.
