Ikinabahala ng ilang mambabatas ang anila’y undiplomatic language na ginamit ni Pangulong Rodrigo Duterte nang banatan nito si US President Barack Obama.
Kapwa pumabor sina Ifugao Cong. Teddy Baguilat at Kabayan Partylist Representative Harry Roque sa paninindigan ni Pangulong Duterte na hindi nakapailalim ang Pilipinas sa Amerika.
Gayunman, binigyang diin nina Baguilat at Roque na puede namang ipakita ng Pangulo ang paninindigan sa independent foreign policy ng bansa sa diplomatikong paraan at hindi sa paraang, tila naghahamon ng away.
By: Len Aguirre
