Umalma ang mga kaanak ng ilang pangalan na kabilang sa inilabas na narco-list ng Philippine Drug Enfrocement Agency o PDEA at Department of Interior and Local Government o DILG.
Ayon sa report, kabilang umano sa nakasama sa naturang listahan ay mga matagal nang patay o di kaya’y matagal na ring wala sa kanilang mga posisyon.
Mayroon din umanong ilang pangalan na kabilang sa ‘narco-list’ ang matagal nang nakapiit sa mga bilangguan habang ang ilan nama’y napatunayang walang kinalaman sa iligal na droga.
Pinuna rin ng ilang kaanak ng mga nakasama sa ‘narco-list’ ang maling impormasyon tulad ng address gayundin ang spelling ng pangalan ng mga iniuugnay sa kalakalan ng ipinagbabawal na gamot.
—-
