Maagang bumiyahe pauwing probinsya ang ilang pasahero para makaiwas sa siksikan at mahabang pila ngayong semana santa.
Sa Paranaque Integrated Terminal Exchange, umabot na sa 49 ,000 biyahero ang nagtungo sa lugar kahapon.
Kaugnay nito, ayon kay PITX Spokesman Jason Salvador, inaasahang sa Miyerkules hanggang Huwebes dadagsa ang mas marami pang pasahero sa terminal.
Mayroon ring police at Bureau of Fire Protection Assistant Desk upang tutukan ang seguridad ng mga biyahero sa PITX.
Sa Ninoy Aquino International Airport, may mangilan-ngilan nang mga biyahero sa Paliparan, at tuloy-tuloy na ang pag-iikot ng Philippine National Police sa loob at labas ng NAIA. – sa panunulat ni Charles Laureta
