Ilang personalidad din ang nataranta sa malakas na lindol sa tumama sa Abra at ilang bahagi ng Luzon kahapon, na naramdaman din sa Metro Manila.
Kabilang sa kanila si Janno Gibbs, Joe Black, Xian Lim at Sunshine Guimary na nasa gitna pa ng shooting sa La Union nang mangyari ang lindol.
Say ni Sunshine, maituturing na traumatic sa kanila ang nangyari dahil hindi pangkaraniwan ang pagyanig ng lupa.
Sa set naman ng FPJ Ang Probinsyano na nasa Laoag City, Ilocos Norte, nagtakbuhan ang mga artista at buong produksyon para lumikas sa tinutuluyan nilang hotel.
Ang ilan pang artistang nagpahayag ng kanilang kaba sa social media at pinayuhan ang lahat na mag-ingat ay sina Kim Chui, Bianca Gonzales, Anne Curtis, Julie Anne San Jose, Sanya Lopez, Cong. Alfred Vargas at Gary Valenciano.
