Nagsilbi nang quarantine facilities para sa mga pasyenteng hinihinalang may coronavirus disease 2019 (COVID-19) ang ilang resort sa Pansol, Laguna.
Ayon kay Jeffrey Rodriguez, Calamba Peace and Order Safety Office Chief, may mga nakatalagang health workers para magmonitor sa mga pasyenteng dinala rito.
Kung sakali aniya na dumating ang panahon na mas kakailanganin ng malawak na pasilidad ay may nakahanda na rin umanong malalaking resort para gawing quarantine facility.
Nakatakdang magsagawa ng rapid testing sa Calamba City kung saan ay pinagsuot ng partikular na bracelet ang mga hinihinalang tinamaan ng COVID-19.
