Nanganganib na ma-contempt ng Senate Blue Ribbon Committee ang ilan sa mga sangkot sa 81 million dollar money laundering scheme.
Naglabas ng babala ang Senate Blue Ribbon Committee makaraang mabigo pa rin silang makakuha ng waiver mula sa ilang sangkot para makuha ang kanilang phone records o talaan ng mga tawag sa telepono.
Kabilang sa mga pinagsusumite ng waiver ay sina businessman Kim Wong, dating RCBC Branch Manager Maia Santos Dequito at mag-asawang Salud at Michael Bautista ng Philrem.
Kumbinsido ang komite na malalaman kung sino ang nagsisinungaling kaugnay sa delivery ng 81 million dollar na ninakaw sa Bangladesh Central Bank , sa pamamagitan ng pagbusisi sa kanilang mga tawag sa telepono mula July 5 hanggang July 14.
Sa Mayo 12, isang araw matapos ang eleksyon, isasagawa ang ika-pitong pagdinig ng komite sa isyu ng money laundering.
By Len Aguirre | Cely Bueno (Patrol 19)
