Nagsimula nang dumagsa ang mga turista sa Baguio.
Ito’y matapos maiulat na lumalala ang trapiko sa lugar.
Hiniling ni Mayor Benjamin Magalong sa mga residente na i-accomodate ang mga bisita sa tourist spots ng lungsod matapos niyang makita ang isang tweet na lumala ang trapiko dahil sa mga turista.
Dahilan kaya’t hinikayat ang may mga sasakyan na iparada ng maayos ang mga sasakyan at sumakay na lamang sa pampublikong sasakyan.
Hinimok din ng Alkalde na maglakad na lamang dahil ito ay mabuti sa kalusugan.
Samantala, kinilala ng pamahalaan ng Baguio ang kahalagahan ng turismo upang makabawi sa kita matapos humarap sa COVID-19 pandemic. —sa panulat ni Jenn Patrolla
