Dinagsa ng mga Filipino ang ilang vaccination sites sa unang araw ng nationwide National Vaccination drive.
Kabilang sa pinilahan ang lungsod ng Sta. Rosa, Laguna kung saan madaling araw pa lamang ay naka-abang na ang mga nais magpabakuna.
Sa datos ng National Vaccination Operations Center, isa ang CALABARZON, na kinabibilangan ng Laguna, sa may pinaka-maraming binakunahan sa unang araw malawakang bakunahan.
Dinumog din ng mga nais magpaturok ang mga vaccination sites sa Barangay Budlaan sa Cebu City, Talisay at Mandaue cities.
Gayunman, bahagyang naantala ang bakunahan sa Lapu-lapu City dahil sa atrasadong pagdating ng mga hiringgilya at iba pang medical supplies.—sa panulat ni Drew Nacino
